Үндсэн Ойлголтууд: Орон Сууц Өмчлөх Эрхийн Гэрээг (Home Equity Agrement) ойлгох нь
Монголын анхны Орон сууц Өмчлөх Эрхийн Гэрээ (ОСӨЭГ) — нь уламжлалт зээл биш бөгөөд Монголын өрхүүдийн тулгамдсан бодит бэрхшээлийг шийдвэрлэж, таны орон сууцны үнэлгээг ашиглан шинэ боломж нээхэд чиглэсэн шийдэл юм.
Таны орон сууцны үнэ цэн дэх түншлэл
Орон сууц өмчлөлийн гэрээ нь та (орон сууц өмчлөгч эсвэл худалдан авагч) болон Хестиа компанийн хоорондын санхүүгийн түншлэл юм. Энгийнээр хэлбэл, Хестиа танд өнөөдөр тодорхой хэмжээний бэлэн мөнгө олгоно. Үүний хариуд та орон сууцныхаа ирээдүйн үнэ цэнийн тодорхой хувийг Хестиатай хуваалцахаар тохиролцоно. Та Хестиаг өөрийн орон сууцны ирээдүйн үнэ цэнийн өсөлтөд хөрөнгө оруулж буй далд түнш гэж ойлгож болно.
- Та орон сууц худалдан авах, эсвэл бусад хэрэгцээгээ санхүүжүүлэх мөнгөө шууд бэлнээр авах боломжтой.
- Та орон сууцныхаа өмчлөх эрхийг бүрэн эдэлж, урьдын адил амьдарсаар байна.
- Гэрээ нь зээлийн дүнгээр бус, таны орон сууцны үнэлгээгээр тодорхойлогдоно.
Өр үүсгэхгүй, сар бүрийн төлбөр байхгүй. Энэ бол хамтын хөрөнгө оруулалт.
Хамгийн гол ойлголт бол Орон Сууц Өмчлөх Эрхийн Гэрээ нь зээл биш гэдэг явдал юм. Энэхүү суурь ялгаанаас шалтгаалан таны санхүүгийн байдалд үзүүлэх нөлөөлөл ч илүү эерэг үзүүлэлттэй байна.
| Онцлог | Хестиа Орон Сууц Өмчлөх Эрхийн Гэрээ | Арилжааны Банкны Зээл |
|---|---|---|
| Таны Хүлээх Үүрэг | Өөрийн орон сууцнаасаа хувиа өгнө. | Та шинэ өр үүсгэж, тогтсон дүнг буцаан төлөх ёстой. |
| Сар Бүрийн Төлөлт | Байхгүй | Тийм |
| Хүүгийн Төлбөр | Байхгүй | Тийм |
| Буцаан Төлөх Үндэслэл | Гэрээ дуусах үед таны орон сууцны зах зээлийн үнэд тулгуурлана. | Зээлсэн дүн дээр хүү нэмсэн дүнд тулгуурлана. |
Амжилтад хамтдаа хүрч, эрсдэлийг хамтдаа үүрнэ.
Энэхүү түншлэлийн хувьд бидний амжилт таны орон сууцны үнэлгээнээс шууд хамаардаг. Хэрэв таны орон сууцны үнэлгээ өсвөл бид хамтдаа хувь хүртэнэ. Харин эсэргээрээ буурсан тохиолдолд Хестиа алдагдлыг тантай хамтран үүрэлцэнэ. Энэхүү эрсдэлээс хамгаалах нөхцөл нь биднийг зээлээс ялгах гол онцлог юм. Түүнчлэн, шударга байдлыг хангах үүднээс, зах зээлийн үнэ огцом өссөн тохиолдолд таныг хэт их зардлаас хамгаалах зорилготой "Хестиагийн Дээд Хязгаар"-ыг гэрээнд мөн тусгасан.
- Үнийн өсөлтийг хуваалцах: Таны орон сууцны үнэлгээ өсөхөд, Хестиа бидний тохиролцсон хувийн дагуу тухайн өсөлтөөс хувь хүртэнэ.
- Эрсдэлээс хамгаалах: Хэрэв таны орон сууцны үнэ цэн буурвал, алдагдлыг Хестиа хариуцах тул та зах зээлийн уналтын эрсдэлийг хүлээхгүй.
- Үнийн өсөлтийн дээд хязгаар: Зах зээл огцом өссөн ч таныг хэт их зардлаас хамгаалах зорилгоор бидний хүртэх ашигт дээд хязгаар бий.
- Зах зээлийн эрсдэлийг хуваалцах: Зээлийн үед та зах зээлийн бүх эрсдэлийг дангаараа хүлээдэг бол, бид орон сууц өмчлөлийн үр шим болон эрсдэлийг хамтран хуваалцдаг.
- Хүүгийн хуримтлал байхгүй: Таны хүлээх үүрэг хугацаанаас хамаарч өсөхгүй бөгөөд зөвхөн орон сууцны бодит үнэ цэнээр тодорхойлогдоно.
Гэрээний дуусах хугацааг та өөрөө тодорхойлно.
Бидний гэрээ нь 5 жилийн тодорхой хугацаатай бөгөөд та хүссэн үедээ ямар нэгэн торгуульгүйгээр гэрээгээ дуусгавар болгох боломжтой.
- Орон сууцны борлуулалт: Гэрээг дуусгавар болгох хамгийн түгээмэл арга.
- Хестиагийн хувийг худалдаж авах: Өөрийн хуримтлал эсвэл бусад санхүүгийн эх үүсвэрээр манай хувийг худалдан авах.
- Дахин санхүүжилт: Гэрээг дуусгах зорилгоор шинээр орон сууцны зээл авах.
- Гэрээний хугацаа дуусгавар болох: Гэрээний хугацаа дуусахад тооцоо хийх.